За проектот:

Локалната агенција за развој од Струга во соработка со СОУ Д-р Ибрахим Темо од април 2012 година ги реализира проектните активности од проектот Македонско-албанска младинска соработка.

Програмата за животни вештини ќе биде основа на проектот и ќе се фокусира на зголемување на самодовербата, критичко размислување и способност за решавање на проблеми. Ќе се користи искуствено учење каде младите ќе бидат вклучени на активен начин. Преку искусни предавачи, младите полесно ќе стигнат до одговор на прашањата:

• Кој сум јас и што можам да направам?
• Кои се моите лични, семејни и општествени вредности?
• Како да комуницирам со други луѓе?
• Какви се моите односи со другите?
• Што значи заедницата за мене?
• Кои се моите цели?
• Како можам да донесам добри одлуки?
• Кои се стереотипи и родовите улоги?
• Како да се справам со предрасудите?
• Како се решаваат конфликтните ситуации?

Стекнатите вештини учениците ќе можат да ги искористат за ширење позитивно влијание врз врсниците и промоција на почитувана образовна средина. Преку интеркултурните сесии младите ќе можат да ги споделат своите култури едни со други и да учат за различните култури од нивното опкружување. Преку сесиите ќе добиеме јасна слика за тоа како младите го користат слободното време,етничката поделеност на младите за време на излегувањата во град и начините за надминување на таквиот тренд.

Преку фото работилниците учениците ќе ги совладаат основните вештини на професионално фотографирање и ќе се здобијат со знаења од историјата на фотографирањето.

Временска рамка:

април 2012 – мај 2012

Соработници:

Средно училиште “Нико Нестор”, Струга

Резултати:

Развиени и имплементирани:

• Програма за животни вештини
• Курсеви за општествена одговорност
• Обуки за лидерство и комуникациски вештини
• Обуки за емоционална интелигенција

Поддржано од:

Види фотографии тука