Стратешко и акционо планирање

За проектот:

Концептот на оддржлив развој е нова парадигма за развојот, промовирана на Светската конференција за одржлив развој, организирана од ООН во 1992 година.

На развојот му дава хумана димензија, со тоа што бара постојано преиспитување на односите меѓу човекот и природата и меѓугенерациска солидарност како единствено валидна опција за долгорочен развој.

“Мисли глобално, делувај локално”

Стратешко планирање во рамките на ЕЛС претставува умствена визија поврзана со некоја методологија за да може на општинските службеници и граѓани да им ги претстави можностите и изборите за иднината на нивната заедница.

Стратешко планирање е дисциплиниран и креативен процес за детерминирање на тоа како општината од нивото каде е денес да се доведе до позиција до која во иднина сака да биде.

Конечно, процесот на стратешко планирање е механизам за претворање на вредностите на граѓаните во политички одлуки преку локалните совети и акциони програми. Процесот на стратешко планирање во Општина Струга беше спроведен со цел да се постави основа за нејзин иден развој. Спроведени беа обемни презентации и консултациисо локални групи од сите општествени сфери. Околу 150 луѓе беа вклучени во целиот процес, и тоа се првите документи кои се препознаени кај граѓаните како нивен придонес за развојот и нивна сопственост.

Временска рамка:

2005-2007

Соработници:

Општина Струга, локални експертски тимови од различни сфери, претставници од јавниот, приватниот сектор и НВО секторот

Резултати:

Изработена локална Стратегија за одржлив развој за периодот од 2006 – 2011и усвоена од Градскиот совет
Изработен Акционен план за одржлив развој за пeриодот од 2007-2011 и усвоен од Градскиот совет
Утврдени локалните потреби и приоритети
Препорачани и детално изработени конкретни проекти кои ќе помогнат при разрешување на главните предизвици на општината
Идентификувани приоритетни проекти во општината за следните 5 години