Селски туризам

На самиот брег на Охридското езеро каде водата и небото се спојуваат во една прекрасна недопрена природа е сместено селото Радожда. Тивка и мирна идила која ја нарушува само рибарите кои постојано се во своите чунови ловејќи риба и така негувајќи го риболовот како еден од најстарите занаети на ова поднебје.
Љубителите на природата можат да ги посетат и селата Вишни и Горна Белица.Посебна атракција преставуваат планинските врвови и тешко е да се одреди кога е најубаво да се престојува, дали во снежно белата зима, расцветаната пролет, зеленото лето или златната есен. Селата немаат одредена сезона туку подеднакво се посетени во текот на целата година каде посетителите го наоѓаат својот мир и може да уживаат во зимските и летните спортови.
Селото Горна Белица прочуено по својата богата флора и фауна го посетуваат голем број туристи. Како резултат на тоа изграден е угостителски објект на 1450 м.н.в.
Голем број верски обичаи се поврзани и се одржуваат како манифестации во руралните средини и токму тие го привлекуваат вниманието како на домашното население така и на туристите.
Православната Нова година "Василица" е обележана со одржувањето на традиционалниот "Вевчански карневал" кој се одржува во село Вевчани на 13-14 јануари секоја година.
Значајно е да се спомене и Фолклорниот фестивал во чест на револуционерот Гоце Делчев - "Гоцеви денови” кој се одржува во село Подгорци секоја година на почетокот на месец мај.
Големиот Христијански празник Илинден се слави во село Ташмаруништа каде се одржува Манифестација по повод Илинденското востание- "Централна прослава на Илинден" на 2 август.