"Филантропија - човекољубие на дело"

За проектот:

Цел на проектот е да се промовира филантропијата во Југозападниот регион на РМ, преку поттикнување на компаниите и индивидуалците да се здружуваат и да го донираат своето знаење, време и/или средства во локалните заедници на еден стратешки и фокусиран начин, со цел да се постигне долгорочно позитивно влијание во сите сфери од општеството.

Временска рамка:

aприл 2013 - cептември 2013

Активности:

Едукативна кампања за филантропија, со цел промоција на идејата за филантропија и запознавање на локалното население со темата
Анализа на ситуацијата на терен и потребите на граѓаните, избор на приоритети во различни области на делување кои ќе им бидат доставени на локалните филантропи, како и анализа на досегашните практики на донирање во Општина Струга и Охрид
Организирање на промотивни средби со претставници на бизнис секторот, стопанските комори и еснафските здруженија
Организирање настан за прибирање на финансиски средства и избор на филантроп, доделување награда на најдобриот филантроп и презентација на резултатите од проектот

Резултати:

Зајакната свеста кај приватниот сектор и граѓаните за значењето на филантропијата и општествената одговорност кон заедниците во кои делуваат преку реализирање на едукативна кампања
Изработена анализа за потребите на граѓаните, дефинирани области на делување и избрани приоритетни активности кои би можеле да се поддржат преку филантропија во две општини од Југозападниот регион
Зголемен интерес на приватниот сектор активно да се вклучи во поддршка на локалниот развој и да соработува со граѓанските организации и локалната самоуправа преку организирање средби со локалните бизнисмени и фокус групи со бизнис клубови, стопанска комора и еснафски здруженија
Зголемено ниво на расположиви ресурси за имплементација на интервенции поврзани подобрувањето на квалитетот на животот на жителите во Југозападниот регион
Организиран специјален настан за прибирање средства
Создавање позитивна клима и доверба помеѓу различните актери во заедниците во однос на превземање заеднички локални иницијативи од корист за сите жители