Размена на најдобрите практики од ЕУ за следење и спречување на корупцијата на локално ниво

За проектот:

ЛАР Струга во партнерство со Центарот за истражување и креирање политики (ЦПРМ) – Скопје, започна со реализација на проектот „Размена на најдобрите практики од ЕУ за следење и спречување на корупцијата на локално ниво“како локален координатор за општините Струга, Охрид и Вевчани. Главната цел на оваа акција е да се промовираат и поттикнат практиките за антикорупција и добро владеење на локално ниво, што ќе обезбеди оддржлива средина за социјален, економски и еколошки развој.

Очекувани резултати:

Да се подигне нивото на свесност и специфично знаење на граѓанското општество за следење на корупцијата на локално ниво преку зголемување на знаењето за најдобрите практики во ЕУ (со акцент на Хрватска);
Да се изградат капацитети за следење на антикорупцијата на локално ниво преку организирање на обуки за локалните организации согласно нивните специфични потреби;
Да се развие методологија за следење на антикорупцијата на локално ниво која ќе резултира со Студија за локална одговорност и транспарентност (СЛОТ);
Да се генерираат податоци и анализи за корупција на општинско ниво преку водење на систематски преглед на механизмите за транспарентност и одговорност во локалната самоуправа во 26 општини.