За проектот:

На територијата на националниот парк „Галичица“ во 17 села, покрај брегот на Охридското и Преспанското Езеро, живеат повеќе од 5000 жители. Тие традиционално ги користат природните ресурси на паркот. Смреклинките од сината смрека (Juniperus communis) и планинскиот чај (Sideritas raeseri) се вбројуваат во најпопуларните шумски производи. Дополнително на пасиштата растат значајни билки, како што е мајчина душица (Thyтus ѕрр.), ајдучка трева (Achillea ѕрр.), смил (Helichrysum ѕрр.) и други растенија, а планината е посебно богата со шипка, глогинки, и др. Исто така, производството на мед на шумските ливади отсекогаш побудувало интерес и се практикува и денес. Сите овие природни ресурси можат оддржливо да се користат. Некои билки и плодови можат да се култивираат, со цел да се намали притисокот врз природната популација на овие растенија. Покрај тоа, некои делови од паркот традиционално се користеле за напасување на овци. Оваа форма на користење на земјиштето имала значајно влијание на пределот создавајќи пространи отворени пасишта во шумските зони. Овие пасишта имаат богата тревна вегетација и други билки кои допринесуваат на природните вредности на националниот парк.

Според меѓународните стандарди, околу една четвртина од територијата на паркот може да се користи на оддржлив и традиционален начин. Земјоделските производи од овие области треба органски да се произведуваат и соодветно да се продаваат, како на пример месото, сирењето и волната. Во линија со новиот план за управување со паркот се предлага развивање на оддржливо користење и производство на шумски плодови и другите природни ресурси. Органското производсто и користење треба да го поддржува богатиот биодиверзитет на паркот. На тој начин, тие нема да се во спротивност со целите на заштита на паркот.

Временска рамка:

јуни 2009 - октомври 2009

Соработници:

Јавна установа Национален парк „Галичица“

Резултати:

• Kоментиран преглед анализа на меѓународните искуства во користењето на природните ресурси во заштитени области
• Критички осврт на cтvдијата за други шумски плодови во НПГ изработена од во текот на 2008 и проценка на можностите за органско производство
• Коментиран преглед на состојбите на пазарот на други шумски плодови и органски производи со посебен осврт кон планинскиот чај (Sideritas raeseri), шипката (Rosa ѕр.) смреклинките од сина смрека (Juniperus communis), органското овчарство и органското пчеларство
• Коментиран преглед на потенцијални бизнис партнери за производство, преработка, откуп и трговија, на планинскиот чај (Sideritas raeseri), шипката Rоѕа ѕр.), смреклинките од сина смрека (Juniperus communis), органското овчарство и органското пчеларство
• Коментиран преглед на деловите од паркот кои се погодни за оддржливо собирање на други шумски плодови и делови од паркот кои се погодни за органско производство,органско овчарство и органското пчеларство
• Бизнис концепти и планови
• Препораки за брендирање и систем на контрола на квалитетот на производите
• Препораки за вклучување на центрите за посетители и информативните точки на ЈУНПГ, локалните продавници за сувенири, ресторани и хотели
• Препораки за можната финансиска и техничка поддршка, вклучително државни субвенции, фондови на Европската Унија и други програми
• Обука на потенцијалните и заинтересираните земјоделци и собирачи на диворестечки растенија

Материјали за преземање:

Студија „Развој на органско земјоделство и оддржливо користење на други шумски производи во националниот парк Галичица“

Поддржано од: