Едукативен материјал за учениците од областа на идниот Национален парк Јабланица

За проектот:

За успешно и долгорочно да се справиме со проблемот на заштитата на животната средина потребно е истиот да биде разбран од страна на најмладата популација. Децата треба да бидат запознаени со окружувањето во кое живеат и да ја воочат неразделната врска помеѓу луѓето и природата.

Преку проектните активности особено се посвети внимание на децата кои живеат на подрачјето на идниот Национален Парк Јабланица и беа разработени повеќе теми:

Што претставува Национален Парк
Кои се нивните обврски кон Националниот Парк
Што можат тие да направат за заштита на природата
Ендемски видови на флора и фауна на Планината Јабланица
Атрактивни места за прошетка и рекреација

Временска рамка:

Јануари 2009 - Септември 2009

Соработници:

Основни училишта од регионот на Јабланица

Резултати:

Со брошурата и промотивните постери кои се изработени во рамките на овој проект, комбинирано со посетите на терен и одржаните работилници во училиштата, се надополнува празнината во процесот на учење и спознавање на блиската околина.

Брошурата претставува единствен извор на информации за флората и фауната во идниот Национален Парк Јабланица, како и уникатните природни реткости кои мора да бидат сочувани и заштитени од страна на идните генерации.