Поддршка на руралниот развој на туризмот во Јабланица и Регионот околу Охридското Езеро
За проектот:
Главна цел на овој проект е да го поддржи развојот на одржлив природен и рурален туризам во регионот на Јабланица и околу Охридското езеро, преку помагање на локалните жители да започнат и да управуваат со мали бизниси од сферата на руралниот туризам. Југозападниот регион на Македонија со неговите природни карактеристики, богато културно наследство, заштитени области и долга традиција се многу добра основа за иден развој на туризмот. Охридското езеро е најпозната туристичка дестинација во овој регион. Сите моментални инвестиции од страна на јавниот и прватниот сектор се фокусирани на градовите (Охрид и Струга), а руралните делови се во голема мерка запоставени. Иако проргамата за рурален развој (ИПАРД) е достапна, локалните жители немаат капацитет да ги искористат овие средства од Европската Унија. Жителите од руралните делови околу Охридско езеро и Јабланица немаат доволно знаење и вештини да развиваат мали бизниси поврзани со рурален туризам. Стапката на невработеност во некои од селата е поголема од 50%. Отселувањето е еден од најголемите проблеми со кој овие села се соочуваат. Општините немаат капацитет да се справат со овие негативни трендови. Нема стратегија или акциони планови за развој на природен и рурален туризам.Временска рамка:
Mарт 2011 - сеуште е во фаза на имплементацијаСоработници:
МАШАВ – Израелска Агенција за Соработка во Интернационален Развој, Факултет за Туризам – Охрид, Министерство за Земјоделство, Шумарство и Водостопанство, ГИЗ - Германско друштво за интернационална соработка.Резултати:
- Триденелна студиска посета во Израел (Март 2011) За време на оваа посета – претставничката од ЛАР – Катерина Василеска учествуваше на курс за одржлив развој и се запозна со методите кои ги користат Израелските институции за да се справат со предизвиците во земјоделието, водостопанството, руралниот туризам.
- Израелска консултантска мисија во Македонија ( ноември 2011) Оваа 5-дневна посета беше реализирана од 30 Октомври – 4 Ноември и во неа учествуваа г-дин Шаи Дотан – тогашен директор на CINADCO и директор на секторот за Агро-туризам при Министерството за Земјоделство и Рурален Развој, г-дин Јаков Мелер – Експерт за рурален туризам и г-дин Јуда Ерони – Консултант за Проекти од областа на Туризмот. Целта на оваа мисија беше да се проучи постоечката состојба во руралниот туризам околу Охридското Езеро и на Јабланица.
- Двонеделна Обука за Тренери во областа на рурален туризам (март 2012) Тренингот беше одржан од 19ти до 29ти март 2012 на Факултетот за Туризам во Охрид. 35 учесници од различни сектори (приватен, јавен и невладин) беа обучени да промовираат рурален туризам во регионот. Како дел од тренингот, учесниците работеа на конкретни бизнис случаи и им помогнаа на 3 сопственици на мал бизнис да ги развијат нивните бизнис планови.
- Тренинг за Одржлив Туризам организиран од Германско – Македонската мрежа за Одржлив туризам (мај 2012 – септември 2013) Претставник од ЛАР – Јасминка Поповска учествуваше на 4 модули како дел од овој тренинг и имаше едно-неделна студиска посета на Универзитетот за Одржлив Развој во Германија.
Поддржано од:
Побарајте нè и на: