Соработувај за одржлив развој

Одржливиот туризам се фокусира на зачувување на природните ресурси и интегрирање на локалните жители, промовирајќи хармоничен развој на туризмот и заштитата на животната средина. Проектот ќе има значително влијание врз локалната заедница преку промоција на туризмот и еколошката одговорност.

ПРОтотип за одржливи резиденции на ПЕРиферии - ПРОСПЕР

PROSPER има за цел да предизвика промени и иновации фокусирајќи се на прашањата за преиспитување на одржливоста на уметнички резиденции и реконтекстуализација на перифериите како простори на раст и развој, како и создавање врски помеѓу организации од културниот и туристичкиот сектор.

Инклузивна екологија

Нашата земја е потписник на Конвенцијата на правата на лицата со попреченост и е една од ретките земји која ја има Ратификувано оваа конвенција.
Проектот ќе се спроведува во Охрид и неговата околина ,посебно во населбата Даљан кај сливот на Коселска река . Овој дел е прекрасна природа која постојано се уништува со отпад и диви депонии. На овој дел свеста на населението е на многу ниско ниво што резултира со деградација на околината.

Родова анализа на програмите за социјална политика и еднакви можности во општина Вевчани

Старите за старите

Осаменоста, социјалната изолација и социјалната исклученост се важни фактори на ризик за лошо здравје кај постарите луѓе, особено во отсуство на семејни мрежи или недоволна поддршка за семејства. Ова влијае на сите аспекти на здравјето и благосостојбата, од менталното здравје и деменција до ризикот од итни приеми во болница поради состојби кои може да се избегнат како што се тешки дехидрација или неухранетост.

Започнува бран на мерења на отвореноста на општините

Обука - Брендирање туристички производ/искуство

Наскоро - нова серија обуки за напредни вештини кои наменети за сите кои сакаат се занимаваат со туризам или да остваруваат дополнителни приходи од туризам.

Првата обука ќе биде на 29-30 март во Охрид.

Надвор од границите - воведување паметен туризам и споделена економија

Цел на овој проект е да го претстави концептот на паметен туризам, кој се базира на иновативна и ефикасна примена на постојните културни, природни реурси и човечкиот капитал. Ова ќе резултира со зголемени деловни можности за локалните претпријатија од туристичкиот сектор, поголем број туристи во регионот и можности за нови вработувања.

Наскоро – Презентација на резултатите од ЕУ проектите од Прекуграничниот регион – 10 мај 2019

Претстојниот јавен настан ќе се одржи на 10 мај 2019 година во Струга. Целта на овој настан е презентирање на резултатите од проектот и поврзување со заинтересираните страни. Настанот ќе се спроведува со заедничко претставување на следните проекти за прекугранична соработка ИПА: "Проект за Подобрување на Паметен Туризам (СТЕП)"; "Социјално претпријатие- мост помеѓу социјалниот сектор и традиционалните бизнис (СЕ-мост)" и "Регион на Охридското Езеро – Сигурна дестинација за авантуристички патувања".

Стандарди за мерење на европскиот туризам: трендови и перспективи

Студијата на тема "Стандарди за мерење на европскиот туризам: трендови и перспективи", која се фокусира на тековните трендови и предизвици во секторот туризам. Потврдено е дека политиката на туризмот стана важен двигател за одржливите економски политики како во развиените земји, така и во земјите во развој, што доведува до забрзан раст на економијата. Оваа студија се креираше во периодот од 15.08.2018 година до 15.02.2019 година.

SWOT анализа и преглед на документи и извештаи на национално ниво

Бенчмаркинг анализа, која се имплементираше во периодот од 15.08.2018 до 15.02.2019 година - беше изготвена студијата "SWOT анализа и преглед на документи и извештаи на национално ниво". Целта на студијата е анализа на релевантни документи од туризмот (како што се закони, политики, стратегии, акциони планови, стандарди, извештаи, итн) во прекуграничниот регионот.

Соработка меѓу засегнатите страни и анализи на јавно мислење

Три студии се направени во рамките на Активноста Бенчмаркинг анализа - испитување на јавно мислење. Оваа активност се имплементираше во периодот од 15.08.2018 до 15.02.2019 година.

Ова е краток опис на првата.

Студија за културното и природното наследство во прекуграничниот регион за соработка

Во периодот од 15.08.2018 до 15.02.2019 година беше направена „Студија за културното и природното наследство во прекуграничниот регион за соработка“која се фокусира на потенцијалите и можностите за туристички разој во целниот прекуграничен регион. Студијата ја анализира моменталната состојба на културното богатство, неговата достапност, природното богатство и можностите за туризам, културните разлики и ги валоризира туристичките ресурси во регионот, од аспект на туризам.

Студијата на профилот на домашни и интернационални туристи во прекуграничниот регион

„Студијата на профилот на домашни и интернационални туристи во прекуграничниот регион“, обезбедува длабинска анализа на профилите на домашните и интернационалните туристи. Оваа активност се имплементираше во периодот од 15.08.2018 до 15.02.2019 година.

Студија за Сегментација на Пазарот и Профилирање на Туристите во Прекуграничниот Регион

Студијата се работеше во периодот од 15.08.2018 до 15.02.2019 година. Целта на оваа студија беше да ги истражи мотивациите за одење на одмор, да ги идентификува различните туристички потрошувачи, да го сегментира/подели туристичкиот пазар (култура, спорт, бизнис, слободно време, крстарење, благосостојба (wellness) итн.) на начин кој е практичен и значаен за туристите во прекуграничниот регион.

Студија за одржливоста на туризмот во прекуграничниот регион

Една од направените студии, која беше имплементирана во периодот од 15.08.2018 до 15.02.2019 година, е „Студија за одржливоста на туризмот во прекуграничниот регион“, која се фокусира на влијанието на туризмот врз одржливоста од една страна и можностите да се користат одржливите практики во туристичките активности од друга страна. Управувањето со одржливи дестинации е пресудно за развојот на туризмот, особено преку ефективното просторно планирање, планирањето на користењето на земјиште и преку одлуки за инвестирање во инфраструктура и услуги.

Студија за достапни туристички услуги и туристички потенцијал во прекуграничниот регион

Креирани пет студии во периодот од 15.08.2018 до 15.02.2019 година.
Целта на „Студијата за достапни туристички услуги и туристички потенцијал во прекуграничниот регион” беше да се анализираат достапните туристички услуги и туристички можности со цел да се оцени туристичкиот потенцијал во регионот. Поради оваа причина, беше воведена анкета за достапни туристички услуги и туристички потенцијал на релевантните засегнати страни од двете земји во прекуграничниот регион.

Европскиот Систем за Индикатори во Туризмот (ЕТИС)

Во рамките на оваа активност, која започна на 30.11.2018 година и траеше се до 15.04.2018 година на релевантните засегнати страни од прекуграничниот регион им беа поделени прашањата за Европскиот Систем за Индикатори во Туризамот за Одржлива Дестинација-EТИС (прашања кои се однесуваат на посетител, резидент, управување со дестинација и за компании).

Теренско истражување - Паметен туризам

Во рамките на оваа активност во периодот од 15.04.2018 до 30.11.2018 беа имплементирани два вида на активности: теренско истражување на прекуграничниот регион и ангажирање на засегнатите страни во истражувањето (интервјуа, фокус групи, онлајн анкета). Собирањето на одговори од прашалниците беше многу важен дел од истражувањето.

Создадена база на податоци со преку 400 профили од туристичкиот сектор

Оваа активност која се имплементираше во периодот од 15.03.2018 до 30.09.2018 година има големо значење за промоцијата на проектот и проектните активности за релевантните засегнати страни (при пристапот и комуникацијата со потенцијалните засеганти страни, ние го презентиравме проектот и неговите цели).

Креирани прашалници за одржлив туризам

Во рамките на оваа активност која започна да се имплеменира на 15.03.2018 до 31.07.2018, се креираа 5 прашалници за одржлив туризам, културно и природно наследство, туристички потенцијал, профил на туристи и маркет сегментација на 3 јазици (македонски, албански, англиски). Секој прашалник беше наменет за специфична целна група и со специфична цел.