За проектот:

Биомасата е органска материја која може ефикасно да се користи како локален енергетски извор. За разлика од фосилните горива (јагленот, нафтата и природниот гас) за чие создавање е потребен многу долг временски период (повеќе од 300 милиони години), биомасата е обновлив извор на енергија, бидејќи растителниот свет се обновува и има одреден прираст секоја година. Меѓу обновливите извори на енергија: сончевата енергија, енергијата на ветерот и геотермалната енергија, енергетскиот потенцијал на биомасата е најзначаен.

Меѓу индиректните нефинансиски и други подолгорочни добивки, пред сè, треба да се спомнат еколошките ефекти од примената на биомасата како извор на енергија. Тоа значи, со употребата на биомасата за енергетски потреби се намалува користењето на класични фосилни горива.

Предмет на истражувањето е:
а) проучување на расположливата биомаса и нејзиниот енергетски потенцијал и
б) согледувањето на потенцијалните можности за искористување на енергијата на отпадната биомаса за локални потреби за топлинска енергија во Општина Струга.

Основни цели на проектот се собирање податоци за количеството биомаса од растително и животинско потекло, утврдување на количеството расположлива биомаса што може да се искористи за енергетски цели и посочување на можните начини за нејзино искористување.

Временска рамка:

2005-2006

Соработници:

Општина Струга, Јавни институции и локални НВОа

Резултати:

• Почетна проценка на достапното количество биомаса од шумарството, земјоделството и сточарството (фарми) во Општина Струга
• Проценка за потенцијалната енергетска вредност на биомасата
• Анализа на можни начини за искористување на енергијата од биомасата

Материјали за преземање:

Истражување „Енергија од биомаса“

Поддржано од: