Програма за развој на одржлив туризам

Главната цел на оваа програма е да го поддржи развојот на одржливи форми на туризам со што ќе се овозможи подобрување на квалитетот и конкурентноста на туристичката понуда во Струга и Југозападниот регион. Регионот со прекрасните планини и национални паркови, чисти езера и пријатна клима, културно-историски и духовни споменици заштитени од УНЕСКО како светско културно наследство, има голем потенцијал за развој на туризмот и нуди можност за зајакнување на локалната економија преку вмрежување со различни заинтересирани страни од регионот и преку соработка на регионални и преку- гранични проекти.