Кон алтернативен туризам

МРФП во конзорциум со Центарот за управување со промени и кризи Партнерс Албанија и локалниот партнер Локална агенција за развој Струга (ЛДА), во периодот од 15 април 2013 до 15 декември 2014 година го спроведува проектот : „Кон алтернативен туризам“.

Општа цел на проектот е:

Разновиден економски развој врз основа на можностите за туризам во областа Корча и Поградец во Албанија и Струга, Охрид, Дебарца и Вевчани во Македонија.
Зголемена прекугранична соработка на областите Корча и Поградец од Албанија со областите Струга, Охрид, Дебарца и Вевчани од Македонија.

Специфична цел на проектот е:

Подобрен развој на туризмот во Корча и Поградец од Албанија и Струга, Охрид, Дебарца и Вевчани од Македонија.

Предвидени се следните резултати:

Идентификувани и развиени локални производи за развој на туризмот;
Развиени капацитети за туризам;
Промоција на потенцијалите за туризам во регионот;
Подобрена инфраструктура;
Размена на најдобри практики.

Со планираните активности на програмата ќе се изврши идентификација на локалните атрактивни туристички локации, бизнис можности за развој на туризмот во целните региони, како и ќе се развијат најмалку 8 одделни производи од областа на туризмот во Македонија и Албанија. Дополнително ќе се извршат обуки на 100-120 чинители за развој на капацитетите за туризам Албанија и Македонија, ќе се организираат посети со цел размена на искуства и соработка на 20 лица од Македонија и Албанија со цел на поттикнување на туризмот и по 1 посета на идентификуваните туристички локации од страна на тур оператори и новинари од Македонија во Албанија и обратно. Во рамките на проектот ќе бидат организирани работилници и прес конференции, ќе бидат подготвени 2 видео спота кој ќе се емитуваат на локални и национални медиуми во Македонија и Албанија, со цел промоција на регионот како туристичка дестинација и локална промоција на туризмот како економска алтернатива на целната група. Во рамките на проектот се предвидени и мали инфраструктурни подобрувања во целниот регион.

За повеќе информации погледнете на следниов линк:

http://www.mrfp.org.mk/mk/za-nashata-rabota/promocija-pretpriemnistvo/partnerstva-za-razvoj-na-mali-pretprijatija/kon-alternativen-turizam.html