Нашиот тим

Катерина Василеска

Катерина Василеска е Програмски Раководител во ЛАР. Родена е во Охрид, но поголемиот дел од времето го поминува во Струга откако во 2007 се придружи на тимот во ЛАР. Нејзините работни задачи вклучуваат: пишување проекти, прибирање средства, стратешко планирање, воспоставување партнерства и промовирање на работата на ЛАР. Најмногу ужива да го споделува нејзиното искуство со другите и честоо организира презентации на тема лидерство и проектен менаџмент.
Нејзина најголема желба е да основа Академија за Лидерство во Македонија каде ќе може да ги инспирира идните лидери на земјата да станат движечка сила за позитивни промени во општеството. Катерина има завршено магистерски студии по Демократија и Човекови Права и учествувала на многубројни обуки во Балканот, Европа, САД и Израел. Приватно, ужива да вози велосипед, да плива, да готви здрава храна, да јогира, и да гледа TED Talks и RSA Animate.

Јасминка Поповска

Јасминка Поповска е претседател, т.е. извршен директор на ЛАР. Таа е дел од ЛАР уште од самите почетоци во 2004 година. Нејзините главни задачи се: планирање, буџетирање, координирање и мониторирање проектни активности, претставување на ЛАР пред други организации, поделба на обврските помеѓу членовите на тимот и пратење на законските процедури. Со еден збор – Јасминка е таа – движечката сила на ЛАР. Во моментот ја подготвува магистерската теза во областа на Одржливиот туризам, а учествувала и на многу национални и меѓународни тренинзи.
Нејзина најголема желба е да имплементира проекти кои би ја направиле Струга подобро место за живот зoшто градот го заслужува тоа.
Во слободно време ужива да патува и да поминува време грижејќи се за нејзината мала градина.

Елена Михајловска

Елена Михајловска во тимот на ЛАР се приклучи како истражувач на проектот ,,Филантропија човекољубие на дело’’. Во моментов е ангажирана како локален координатор за ,,ЛОТОС студијата’’, која ЛАР ќе ја изготвува во рамки на проектот „Разменананајдобритепрактикиод ЕУ заследење и спречување на корупцијата на локално ниво“ во партнерство со Центар за истражување и креирање политики ЦРПМ од Скопје. Таа е родена во Гостивар но последните 6 години живее во Охрид. По професија е новинар и 4 години работела како дописник од Охридско-струшкиот регион за Дневниот весник ,,Дневник’’. Неколку месеци соработувала и со редакцијата на ,,Утрински весник’’, а околу две години била новинар-уредник во Полошкиот неделник ,,Монитор’’. Сеуште има професионалнa соработка со локалниот информативен портал ,,OhridNews’’.

Аделина Ајдари

Аделина се приклучи на нашиот тим како нов член и волонтер во ноември 2017. Родена е во Охрид на 7 Јули 1994 , е дипломиран економист на бизнис и економија и обожава промени. На почеток кога таа се приклучи на ЛАР имаше малку искуство и многу идеи кои сакаше да ги остварува. Токму затоа веднаш после неколку месеци започна со нејзиниот прв проект. Таа сега работи како проектен менаџер на проектот “Подобри се - Зајакни ја твојата заедница!“ поддржан од Проект на УСАИД за граѓанско учество. Нејзина најголема желба е да ја направи нашата држава подобра на економски, социјален и културен план.
Таа цврсто верува дека напорната работа се исплатува и сака да им докаже на младите, како и на останатите генерации дека СЕ Е ВОЗМОЖНО ДОКОЛКУ ЦВРСТО СЕ ПОСАКУВА! Во слободно време Аделина обожава да чита, патува, готви и да биде со фамилијата и пријателите.