Водич: Рурален туризам – од идеја до реализација

За проектот:

Регионот на планината Јабланица има огромен потенцијал за развивање на еко туризам со неговата идеална географска позиција, богато културно наследство, природни ресурси и пријатна клима. Големата невработеност на населението кое живее во овој регион е голем предизвик, сиромаштијата ги погодила овие луѓе и тие се приморани да ги напуштаат своите места на живеење и да се иселат во градот. Развојот на ЕКО Туризмот би имал двоен ефект: на зачувувањето на природата и на развојот на локалната економија.

Населението кое се иселило во градот сè уште не е свесно за потенцијалот кој го имаат нивните родни места, за таа цел веруваме дека изработката на овој водич и реализирање на обуки ќе биде од огромно значење за привлекување на нивното внимание кон потенцијалите на нивните места, како и можноста за започнување на бизнис во областа на руралниот туризам.

Временска рамка:

јануари 2009 – септември 2009

Резултати:

Проценка на можностите за развој на еко-туризам во регионот на планината Јабланица
Припрема и издавање водич „Од идеја до реализација“. Водичот ќе содржи инаформации за: развој на алтернативни форми на рурален туризам, подготовка на храна, сместување, служба на водичи, маркетинг и промоција, можности за развој на природен и културен туризам, вметнување на традиционалниот начин на земјоделство во туристичката понуда
Организирање 15 работилници со заинтересирани граѓани на тема започнување бизнис од областа на рурален туризам