Економско зајакнување на жените

За проектот:

Според најновите истражувања во современата економија и бизнис сферата, се повеќе се ценат т.н. женски вештини: соработка наместо натпревар, консултации наместо компромис, тимска работа наместо индивидуалистички пристап, флексибилност и грижа за околината наместо „класичен бизнис пристап“. Сепак, многу мал дел од жените во Македонија се решаваат да отпочнат бизнис. Долгогодишната криза и патријархалното опкружување допринесува за оваа ситуација. Многу жени остануваат дома, невработени, економски зависни а тоа ги прави поранливи и подложни и на други форми на дискриминација како семејно насилство. Главната цел на овој проект беше да се охрабрат што повеќе жени да превземат иницијативи за да си ја подобрат економската состојба. Тоа ќе им ги подобри условите за живот лично и фамилијарно, ќе им ја зголеми самодовербата, а на колективно ниво – во бизнис сферата се повеќе ќе почнат да се применуваат горенаведените женски принципи кои ќе внесат нови подобрени начини на работа. Целото општество ќе се развива во нагорна линија. Откако ќе се зајакнат жените, ќе може да се отпочне и со втора фаза – создавања на партнерства меѓу жените и мажите во бизнис сферата.

Временска рамка:

2004 – 2007

Соработници:

Локални женски невладини организации, финската женска асоцијација "Марта" , Комисија за еднакви можности од Општина Струга

Резултати:

Воспоставен форум од сите женски НВОа и жени активистки од Струга и регионот
Изработена анализа "Зголемување на економските познавања и активности на жените"
Локалните женски организации се сретнаа и разменаа искуства со финската женска асоцијација "Марта"
Изработена програма за зајакнување на жените од општина Струга која вклучува конкретни предлози